Lai yah u Conrad ya ki warep wa kiwa seiñ khih cha Rashtrapati Bhavan, New Delhi

U Montri Rangbah ka Meghalaya, u Conrad K. Sangma da lai u cha ka Rashtrapati Bhavan, New Delhi deilang wa ki warep wa ki bru wa seiñ khih hadien wa dep u pynman ya ka 2^nd Meghalaya Pineapple Festival, 2024 ha Dilli Haat, New Delhi. Wei kani da pynman kam chibynta ka thong ka sorkar wow kyntu ya ka ki warep ka jylla.

Waroh da emlang 19 ngut ki warep deilang wa 10 ngut kiwa seiñ khih. 

U Conrad da ong u wa ka sorkar Meghalaya da krehkaam bait ko wa ki warep kiwa man kam ki budloom ka Meghalaya ym du wow tipmit ki tangwa wow rah wow kynrong ki cha ki kyrdan wym jooh poi ki.

Hapoh ka Rashtrapati Bhawan, u Conrad da klam u yei emkaam wow em i mynsien maya ri.

Related posts

Da jied ya u Robert Francis Prevost kam u Pope wa thymme

May 8, 2025

Pynkhreh ka sorkar wym duna baam ha Meghalaya lada toh joor ka thma

May 8, 2025

Da lai leh cha ka ‘Janjatiya Darpan’, kawa man ka thaw wow pynyoo yei sap dro sap chna tiar ki jaitbru ri-loom kawa em ha Rashtrapati Bhavan, kawa dang dep wai da ka President ka ri, ka Droupadi Murmu kawa man leh kam ka jaitbru ri-loom heiwa ha kani ka thaw da booh leh ya ki kpieñ ki khadu kiwa na Khasi wa Garo Hills ka Meghalaya deilang wa kiwi de ki tiar ki tar wa pynemkaam ki jaitbru ri-loom na kylleiñ ka ri India.

Neiliang ki warep da e khublei ki ya u Conrad wa da ye u pynman ya ka yaaw dai satrooiñ kawa jop kawa da wai boon ki laad ki luti ya ki heiwa katni da ye wow chalan chadooh cha baar ri wei ini waroh da e mynsien ko ya ki.

Neiliang u Cyril V. D. Diengdoh, IAS Secretary, Planning Department, da khana u wa ini wa dep dadep phah 3.5 Ton u satrooin cha Middle East wei yeini da ye wow leh deiwa krehlang waka PRIME Meghalaya.

Neiliang kiwa seiñ khih kiwa da yoh yarap na ka PRIME, da ong ki wa ka PRIME da ye ko wow pynheh pynsan yei khih i khan ki.