Jowai : Ka West Jaiñtia Association of Kickboxing (WJAK), da pyntip ko wa ar ngut kiwa yalehke yong ka da lai yakhun ki ha ka WAKO India Senior National Kickboxing Championship 2016 ha Swana Bharati Indoor Stadium, Visakhapatnam, nadooh ka 3 hadooh 7 Naisaphra 2016.
Kiwa yalehke Kickboxing na West Jaintia Hills kynthup ko ya u Pynshrain Miki Rabon, na Shangpung wa u Ferdinand Suchiang, na Ladthalaboh.
Ha kani ka lympung u Ferdinand Suchiang da yoh u ya ka takma tama (Bronze Medal) ha ka Tatami Sports (Light Contact) Below – 57 Kg Senior Men.
Katwa Pynshrain Miki Rabon wa puræ Class 11 ha Shangpung Presbyterian Higher Secondary School da rem u ha ka Quarter Final Ring Sports (Low Kick) Below – 67 Kg Senior Men.
U President WJAK, u ma Sardonyx Suchiang da ong u wa ka seiñ e khublei kyrpang ko ya u Principal Shangpung Presbyterian Higher Secondary School wa u Commandant Central Training Institute, Meghalaya Civil Defence & Home Guard Mawdiangdiang Shillong kamjooh ya ka MAKO hapoh i yahkhmat u Donny Ranee wada yah ya kini ki ar ngut chadooh Visakhapatnam.
Discussion about this post