Lai yaleh mukotduma ka NESO ha Supreme Court pyrchah yaka aiñ CAA

Ka North East Students’ Union (NESO) da lai yaleh ko da ka mukotduma ha ka Supreme Court ka ri pyrchah yei pynkrehkaam yaka aiñ Citizenship (Amendment) Act (CAA), 2019 hajrong ka yurim wa man ko pyrchah ya ki Article 14, 15, 19, 21, 25 wa 29 ka Constitution.

Da kdaw leh wa ka ki kyndon kani ka aiñ kam ka Section 2, 3, 5 wa 6 toh kiwa pyrchah jaitbru, kiwa da thoh tangdep wei man ki leh pyrchah yaka aiñ.

Neiliang u President ka NESO deilang wa ki dkhot ka KSU da em ki ha Delhi wei ya kani ka mukotduma u chong bichaar mynstep ka sngi.

Kam wow pynkynmoo wa ha ka 19-12-19, ka NESO da dep yaleh mukotduma ko haka Supreme Court hi yow pynlait ya ki thaw wa krehkaam kani ka aiñ kiwa man kam ki ILP wa ki thaw wa haap hapoh ka Sixth Schedule tangwa da em 27 tylli ki District ka Assam wa 8 tylli ki District ka Tripura ki wym em lait na kani ka aiñ.