Lai ychem ki 13 seiñ ya u DC ka EKH hei yatoh wa ka aiñ wa pait yei psiah i mih ki baar jylla

Shillong: Ka dhab yong ki 13 tylli ki seiñbhalang kiwa em ha ka jylla da lai yachem ki wa u Peter S Dkhar, Deputy Commissioner ka EKH kam chibynta wow sdang booddien hei yatoh wa i pynkrehkaam ya ka Meghalaya Residential Safety Act 2016 wei kamjooh leh wow thooh bniah hajrong i krehkaam yong ka District Task Force kawa pait ya i psiah i mih ki baar jylla chapoh ka Meghalaya.

U Daniel Khyriem, President warim ka KSU hawa yaklam u wa kiwa thoh khubor da pynsñiaw u wa ki seiñ sñiawsih ki u tip wa hadooh katni leh ka sorkar Meghalaya ym pu em phah ko ya ki DC wow lai ki cha khmat hajrong kani ka kaam wei kamjooh u chna ya ki aiñ wow lai cha khmat ya ka District Task Force.

Da ong u leh wa mynstep kini ki jooh ki seiñ daw lai yachem ki ya ki DC ka Jaiñtia Hills wa ka Ri-bhoi district wow yaklam hajrong kani ka jooh ka kaam.

U president ka Hynñiewtrep National Youth Front (HNYF), u Sadon Blah won da ong u wa ha i yachem wa ki Montri ka sorkar ha u snem wa da dep da kular ki wow pyndep smat ya ka tai ka kaam tangwa hadien wa yachem ki wa u DC da chem wa ini waroh da man i iwa sep-ai.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong chooh chooh u wa neiliang u DC da pyntip u wa kani ka aiñ da em ko tangwa ym pu em chna won ya ki kyndon krehkaam ko (Rules) hapoh ka jylla tangwa lada yoh ya ki circular wow pynkrehkaam noh ya kani ka Meghalaya Residential Safety Act 2016 da ye u sdang pynkrehkaam ya ka.

Da pynkut u deiwa ong wa ki 13 seiñ daw pyndep chwa ki ya i yachem wa waroh ki DC wei hadien ini daw lai yachem ki wa ka sorkar yow yaklam yei emkaam wow pynkrehkaam smat noh ya kani ka aiñ.