Jowai: Ynne i sngi da kem diñ iwi i yung wa em ha Wahchnong, Barato, West Jaiñtia Hills heipor kamwa 2:30 i sngi.
Ini i yung toh i yung dieñ iwa da chongwai da ka Rikmenlang Lamin wei da iñ i heipor wa dang lai sait-that ryngkat wa ki le ngut ki khon.
I daw wa iñ ini i yung ye u man wa toh iwa da rim wei iwa da chna da ki dieñ, ini i diñ da kyr-ooh bha i wei da baam lut i yeini i yung du hapoh kamwa 30 minit.
Neiliang ki paidbah ka chnong da yaleh ki wow tympleh ya i diñ tangwa neidaw wa man i iwa da rim i diñ wa kyr-ooh da sdang poor i sa ki dukan wa em hajan katwa kamtæ ki paidbah ym yohsa de ki wow sliah noh ya kini ki dukan khnang wow yada ya i yungmane ka Balang Presbyterian wa em hajan kini ki dukan.
Kamtæ dei smat ki paidbah u sliah ya kini ki dukan ki da ye u khang yei poor ini i diñ.
Ki paidbah ka chnong da pynyoo ki yei yatylli yong ki ynne ka sngi ym du hei wow sliah ya ki dukan tangwa wot wow rong um ha ki kum ki tow wow yaleh u theh wow tympleh ya i diñ.
Da pyrchang leh wow phone ya ki kari tympleh diñ tangwa neidaw wa thut ki mobile network ym yoh u phone cha ki heipor wei da wan ka kari du hadien wa da pleh i diñ.
Ha ini i jia kani ka manyung da dooh ko ya waroh iwa emkaam nadooh ki that ki nep, ki kot skur, ki kot emkaam wa kiwi kiwi.
Ya i daw wa kop ini i diñ ympu tip hadooh wa pynmih ya kani ka khubor.
Discussion about this post