Uwi u bru uwa tip kam u Narain Singh Chaura uwa jooh man kam u Militant, ynne i step da sai Pistol u dei thmu wow siat ya u Deputy CM warim ka Punjab, u Sukhbir Singh heipor wa leh u yei kaamram u kam uwa e yada (Guard Duty) kam chibynta ka hukum niam hakhmat ka Golden Temple wa em ha Amritsar.
U Chaura toh uwa jooh man kam u dkhot ka Khalistan Liberation Army wei ynne heipor kamwa 9:00 waje da wan u ha ini i thaw wa em u Singh heiwa uwi u bru da pynyoo u wow lai cha rood tangwa heini i por da sai u ya ka Pistol napoh kata u tangwa smat won uni u bru wow yoo yeini uwa da ksoh ya ka kti u tangwa da yoh u wow siat chi kuli cheiliang u Singh uwa da hær chaneiñ.
Ya u Singh da em boon kiwa em ha chrooh u kiwa yada ya oo neidaw wa yoh u ya ka Z+ Security.
Ya u Chaura da ksoh da kiwa boon wei da knieh ki leh ya ka Pistol na kti u wei ini waroh da jia i deiwa sakhilang kiwa thoh khubor kiwa da kylli ya oo yei daw wa leh u yeini tangwa ym em u jubab u wei da chimkti won ya oo da ki pulit.
Neiliang ki pulit da ong ki wa daw tip che du hadien wa dep wow takit ya uni u bru.
U Chaura toh uwa dadep chah kset hapoh ka aiñ Arms Act ha u snem 2004 wei da lait patok u ha u snem 2018 wei da em u leh palat 20 tylli ki Case pyrchah ya oo.
Discussion about this post