Lait kawi nei yap hadien wa haap 100ft chapoh synrang heipor wa chondur Selfie

Kawi ka kynthai da lait ko nei yap hadien wa haap ko chapoh synrang iwa yillu kamwa 100ft heipor wa dang chondur Selfie ko ha Satara, Mahrashtra.

Kani ka bru wa tip kam ka Nasreen Amir Qureshi (29 snem) kawa na Warje, Pune da lai ke lang ko wa ki lok ko dei thmu wow lai cha ka kchaaid Thoseghar tangwa manda chem toh wa khang u psiah cha kani ka thaw, da lai won ki cha Bhorgane Ghat.

Neidaw wa kani ka thaw toh kawa em ha u loom wei wa hiar slap, da pynman ya kani ka bru wow tlær ko wei da haap ko 100ft chapoh wei da tyngkhooh wei sahkut ko ha uwi u dieñ iwa da pynman ya ka wow lait ko nei yaap deiwa haap cha tre chooh chooh.

Ki lok ko manda yoo yeini da pyntip ki wut-wut cha ki pulit kiwa da pyntip cha ka Shivendrasinharaje Trekkers kiwa da pliah ha ki kaam lai yarap bru wei deiwa yarap ki pulit da hiar chapoh synrang deiwa phah da u Abhijit Mandave uwa man kam u Home Guard uwa da ye wow taan ya kani ka kynthai hadooh wa poi biang cha khlieh u loom wei da pynkit ka cha Hospital.

Related posts

Sangeh yakhih ka MCTODA | Da e por ya ki karkhana Coke 10 sngi

May 9, 2025

Siat ka Pakistan ya ka skur wa pynlai da ki Nun hadooh wa yap ar ngut ki khynnah

May 9, 2025

Kam wow pynkynmoo wa ini wa dep da em leh kawi kawa na Maharashtra hi kawa yap heipor wa dang chna Reel ko deiwa haap ko cha tre synrang wei kawi ka manyung da dooh ki ya ka bei deilang wa ki khon hawa lai paitke ya ka kchaaid hadien wa heh um syndet.

Ka Satara District Disaster Management Committee wa u DC da khang ki ya ki bru wow lai cha ki kchaaid ha kam kini ki por wa joor slap deilang wa ki thaw wa em ki Dam tangwa kiwa boon lai bait ki ha kini ki por neidaw wa heh ki kchaaid.