Ka yung krehkaam u District Statistical Officer, West Jaiñtia Hills District da pyntip ko wa daw pynman da ka Walk-In-Interview ha ka 07-01-25 heipor 10:30 i step neibynta 8 tylli ki kreh yow man kam ki Field Assistant (Contractual Basis) neibynta 6 bnai wei yeini daw pynman ha yung krehkaam u District Statistical Officer wa em ha Jowai.
Ka tulop toh kawa da booh Rs. 20,000 chi bnai wei kiwa yaleh kreh toh u man ki kiwa da pyndep ya ka Class-XII wei kiwa tip chaphang ka Mathematics wa Computers wei kiwa em ya ka Analytical Skill.
I kreh u man ko wow lai cha ki chnong wa em ha East wa West Jaiñtia Hills yow lai chim yukheiñ heiyatoh wa ka rep ka riang.
Kiwa yaleh kreh toh u man ki kiwa da em 18 snem hadooh 32 snem i rta hadooh ka 01-01-25 wei daw pynyinsur sa 5 snem neibynta ki ST/SC.
Ym e TA/DA næ thaw sah ya kiwa wan yaleh Interview tangwa hap ki wow wanrah ki kot ki sla wa khana bniah chaphang yong ki (Bio Data/CV) deilang ki Certificate wa Mark Sheet kiwa dei Xerox wa Original nadooh HSLC chaneiñ deilang ki ID wa kiwi de.
Hap leh wow pyndaitlang wa i dur Passport Size ha ka CV.
Da khang leh ya kiwon kiwon wow lai paan yarap ki na kiwon kiwon wei kitu kiwa leh yeini daw chah pyndam (Disqualified) ki ha ka Selection Committee.
Discussion about this post