U President ka National Conference uwa man leh u Chief Minister warim ka Jammu and Kashmir, u Farooq Abdullah da lait u nei thmu chah tynyap ha i miet ka 11 tarik uni u bnai.
Ini da jia i hadien wa uwi u bru da tia u hajan u Farooq wa ka Pistol ha kti wei da pyrchang u wow siat ya u Farooq heipor wa lai bia u ha Greater Kailash ka sorbah Jammu.
Ya u Farooq uwa 88 snem da synraan da u Deputy Chief Minister ka Jammu and Kashmir, u Surinder Choudhary wei da mih ki na Royal Park heipor wa uwi u bru da tia u chaphrang wow siat ya oo.
Ki chipai ka NSG, ki pulit wa kiwi da ye ki wow ksoh ya uni u bru heipor wa jia ini.
Ya uni u bru da tip kam u Kamal Singh Jamwal uwa 63 snem na Purani Mandi, Jammu wei da kem noh ya oo.
Ki pulit da pyntikna ki wa u Jamwal da pynemkaam u da ka Pistol wa em License heiwa da phla u wa da thmu u wow leh yeini la 20 snem neidaw ki kaam samen.
Neiliang ki pulit dang pynman ki yei takit hajrong ini.
Discussion about this post