Uwi u khynroo uwa 19 snem i rta da lait u nei yap hadien wa u Stand ka Scooter wa yah u da psiah u chkuk ha rdang u iwa da jia ha u Paud Road hajan Vanaz, Pune heiwa da wan yarap smat ya oo da ki Fire Brigade, u Mechanic wei dei stat ki Doctor wa pliah da lait u nei maa.
Ini da jia i hadien wa chah tyrrah u ha kawi ka Bus wei kat u poi ki Fire Brigade da chem wa em u hapoh kawi ka kari Tempo deiwa em ka Scooter ha jan u wei ym ye de u klam wei u khih neidaw wa chah dung u ha uni u Stand. Neiliang ki pulit ka Fire Brigade da lai thooh ki da u Mechanic yow looid ya uni u Stand yow ye u rah oo na kani ka thaw.
Da kit ya oo da ka Ambulance cha Sahyadri Hospital deiwa emlang uni u Stand ha rdang u.
Uni u khynroo da hap bait u wow ksoh ya uni u Stand wei ym em yaplær u leh wei uni u Stand da psiah u hadooh 6 Inch chapoh.
Hadien wa leh ya ka X-Ray da chem wa chah ktah kiwa boon wa em hapoh rdang u deilang u thylliej wei da mih snaam leh manda ky’oh u, wei neiliang ki Doctor da pynchong bait ki oo yow lait u psiah i snaam chapoh.
Neiliang ki Doctor da pooid ki oo iwa da chimpor soo kynta yow ye u sai ya uni u Stand wei da booh won oo hapoh ICU soo sngi wei da e baam ya oo da ki Tube heiwa da ong ye u chimpor hadooh 15-20 sngi yow chait u.
Discussion about this post