Ka Delhi da man ko kam ka sor kawa da pynkhreh yei chah hiar thma heiwa da khang ya ki luti wa da thmu ki warep u lai toor cha nongbah ka ri kiwa da toh u poi ynne ka sngi.
Kini ki warep toh kiwa wan na Punjab, Haryana wa Uttar Pradesh da ki Tractor deilang wa ki Trailer wei da e pyrtuid ki ya ini i lai luti ki kam i ‘Delhi Chalo’.
Ki pulit da khang ki ya kiwa boon ki luti wa em u pood waka Haryana-Punjab deiwa booh hadooh da ki Roller, ki Bulldozer, ki Truck Dumper, deiwa pynyieñ ki kynroh wa kiwi kiwi de.
Ki warep da pynman ki yeini i yahkhi yow dawa yaka Minimum Support Price ym deiwa kular donhi tangwa deiwa man katkam ka aiñ yow lait ki u chah ktah nei hiar dor ki mar rep.
Da dawa ki leh wow pynkrehkaam yaeiwa da tyrwa ka Swaminathan Commission ha u snem 2006 hawa kheiñ yaka MSP.
Kiwi de ki dawa toh yow maap noh ya waroh ki ram ki warep, u e Pension ya ki warep Rs. 10,000 manda dap ki 60 snem wei wow pyndam ya waroh ki FIR wa da e pyrchah ya ki heipor wa pynman yakhih ki ha u snem 2021.
Neitæ da dawa ki leh yei hok ki warep kiwa yap ha iwa jia ha Lakhimpur Kheri.
Da dawa ki leh wow yoh ya ka bai lutsan hawa jia chlai um heiwa da dooh lut ki ya waroh iwa da kreh chitom ki u rep.
Discussion about this post