U Deputy Commissioner ka West Jaiñtia Hills District ynne ka sngi da pynbna u wa ki thaw ah sñiooh (Barber Shops/Saloons/Beauty Parlours) wa da jied da ki waheh chnong u wai ki 3 sngi chi tayaw.
Ki sngi wow wai toh ka Monday, Wednesday wa Saturday nadooh 7 waje i step hadooh 6 waje i miet. Hap leh wow bood ya waroh ki kyndon ka sorkar wa da dep pynbna wa kawi ka kyndon thymme wym toh wow yaklam heipor ah sñiooh lane chna pynmiat ya u sñiooh.
U DC da pynbna u leh wa da chah u wai yaki Restaurant/Cafes/Food Outlet kiwa da jied da ki waheh chnong. Heiwa ki leh u wai ki 3 sngi chi tayaw haka Monday, Wednesday wa Saturday nadooh 9 waje i step hadooh 6 waje i janmiet lait noh kitu kiwa em ha rood ki National Highway ym chah yaki wow wai.
Ki Restaurant hap ki wow bood yaki Standard Operating Procedure (SOP) wa da booh daka Tourism Department. Kiwa ym bood daw hap ki wow chah khang.
Ha waroh kini ym hoi u dam u deiñ Mask, u leh yaka Social Distancing deiw yajngai uwi na uwi 6 Feet, u tymmoh ya i ktein hawa ka’oh wa ya i khmut hawa synrieh.
Yaki kyndon wa hap ki Restaurant u bood yei phi u Download heini.
Puræ leh: Ki kyndon wa hap bood ki dukan ah sñiooh wa ki dukan pynmiat kynthai
