U DC ka East Jaiñtia Hills District da pynmih hukum u ynne ka 18 tarik yow pynbna yei rukom wai ki dukan hapoh ka District kiwa dai ya ki marbaam, mardih wa kiwi kiwi de.
Waroh ki dukan wa dai ya ki marbaam, mardih u wai ki ha ka sngi Monday, Wednesday wa Friday kiwa em ha ki yaaw wa heh ka thaaiñ Khliehriat East wa West, waroh kawi ka Ladrymbai, Umpleng, Chiehruphi, Lumshnong, Sohkymphor, Sookilo, Saipung, Semasai, Jalaphet, Rymbai, Wapung, Sutnga, Bataw wa Umkiang nadooh 9:00 waje i step hadooh 3:00 waje i janmiet katwa ki dukan wa em ha ki dong daw pynbait da ki Dorbar Chnong/Market Committee.
Ki dukan wa em ha ki dong ki chnong wa kynthup ya kiwa dai ya ki marbaam mardih wa kiwi kam ki dukan dai tiar electric, mobile, juti u wai ki 50% ha ka 21-06-21 (Monday). Ha ka 23-06-21 (Wednesday) won u wai 50% ki dukan wa dai marbaam mardih wa ki dukan Hardware, ki Spare Parts wa ki dukan dai that. Ha ka 25-06-21 (Friday) u wai 50% ki dukan dai marbaam mardih deilang wa ki dukan dai tiar electric, Mobile wa ki dukan dai juti.
Ki dukan wa em chi thaw ha ki dong u chah u wai ki nadooh 2:00 waje i sngi hadooh 6:00 waje i janmiet deiwa pynbait ki Dorbar Chnong/VDP deiwa bood thij ya ki kyndon sorkar.
I khang wow lai na kawi ka District cha kawi toh iwa dang pteiñ, kiwa mih khlem ki daw wa biang, ki kari wa khlem Pass daw chah pynchitom ki wei kiwon kiwon kiwa leh pyrchah ya ka hukum ye ki wow chah kem.
Dang khang hi leh wow pynman ya kiwi kiwon ki yalang paidbah, ki e sikai, ki bia wa ki yalehke Sport.
Ki Post Office u wai ki Monday hadooh Friday wei toh u khang ki hapoh 3:00 waje i sngi. Ki Bank leh u wai ki Monday hadooh Friday deiwa pynduna bru wakreh wei toh u khang ki chwa ka 4:00 waje i sngi.
Ki kaam leh Home Delivery kiwa da yohbor donhi toh kiwa chah u leh.
Lada em i yap bru, u chah wow em 20 ngut dohnhi ki bru.
Ki kaam chna yung won wa em ki wakreh pyn ha ki thaw wa kreh toh iwa chah deiwa yohbor na u DC.
Kiwi ki kaam wa chah man ki kamjooh kiwa da chah ini wa dep nadooh i lai phah summar, lai chim tika, ki kaam sorkar, i rep i riang wa kynthup ya u pathi wa u kwai ha ki thaw wa em cha palatsor kamjooh ki kreh MGNREGA wa ki kaam ri wei psan mrad toh kiwa chah.
