Kam chibynta wow yarap yei yoh ya ka la-ær Oxygen ha ki District, ka sorkar pyrdi lyngba ka PM Cares Fund da kular ko wow e poisa yow chna ya ki 551 tylli ki thaw pynmih la-ær riñ mynsien kiwa tip kam ki Oxygen Pressure Swing Adsorption (PSA) Medical Oxygen Generation Plants ha ki thaw sumaar sorkar wa em hapoh ka ri.
Kamtæ ka Meghalaya daw yoh ko ya 3 tylli ki Oxygen Generation Plants kiwa daw booh mar ka wi ha East Khasi Hills District, West Garo Hills District wa West Jaiñtia Hills District.
Ya kini ki thaw pynmih Oxygen daw booh ha ki Hospital sorkar kiwa em hapoh ka jylla heiwa ki tiar ki tar daw e lyngba ka Ministry of Health & Family Welfare.
I pynpoi ya ka Oxygen cha ki thaw sumaar katni da man ko kawi na ki thong kreh ka sorkar kam chibynta wow yarap ya kitu kiwa chah ktah ha u COVID-19 kiwa da ku ha India iwa ym jooh em yoo ha kiwi ki ri.
Puræ leh: 551 tylli ki karkhana u chna ha kylleiñ ka ri lyngba ka PM CARES Fund
