Jowai: Ynne ka 31 tarik, ka Dorbar Chnong Ummulong ha ka sien wa nyngkong da leh burom ko ya ki 91 ngut tymmen ki kro wa da kynjoh cha ka 70 snem chaneiñ i rta. U Dr. Heiplanmi Rymbai, Scientist, ICAR da man u kam u kongsan ha kani ka sngi hei ya emlang ki waheh wasian yong ka chnong.
Ya ka yalang da pyllai da u Chairman ka chnong, u Manbha Shylla. Ha chwa wow sdang ya ka leh burom, u General Secretary ka chnong da e u ya ka klam pdiang sñiawbha deiwa pynsñiaw leh ya i parom yong ka chnong.
U Rev. Rihok Laloo hei klam yong oo da kyntu u ya waroh wow man kiwa tylli kamjooh leh da ong u wym hoi u ya bichaar yei tam i lait khnang wa ka chnong u man ko kawa ku chaphrang.
U waheh chnong, u Leo laloo da klam u hajrong i maya wa i ya krehlang yow pynku ya ka chnong ka thaw.
U Dr. Heiplanmi Rymbai kam u kongsan da yaroh ya ki waroh kiwa chah leh burom wa ye ki u biang ha i baam i dih wa da yoh ki yei chait i khiah, da klam u leh heiyatoh wa i maya chnong, maya jaitbru deiwa e nongmuna ya ki Spartan.
Da pynkut ya ka leh burom deiwa saam ya ki e sñiawbha na ka chnong heiwa ka beipun Narida Kyndiah kawa kynjoh hadooh 98 snem i rta da pdiang ko yei e sñiawbha wa kyrpang.
Khadooh da yoh yei klam e khublei na u Asst. waheh chnong bood won sa i ya chondur wa ka ya dih cha lang chirup waroh kiwa chong chnong wa emlang ha katai ka leh burom.
Discussion about this post