Jowai : Ka tnat Women’s Welfare Organization ka Seiñriaj Jowai næ ka seiñ kynthai ka Seiñraij Jowai da pynman ko ya ka sngi lehkmen ki khynnah ha Jowai ha Yung Dorbar ka Seiñraij Jowai kawa em ha Loompyrdi Iongpiah.
Ha kani ka sngi da leh warom ya ki khynnah wa em ha ka Crèche ka seiñ kamjooh ya ki khynnah ka Play School ka Newell Challam Play School ka wa wai ha uni u snem kawa em kamwa 15 ngut ki khynnah.
Ka Crèche won da ri ko ya 31 ngut ki khynnah kiwa da em hadooh le ngut ki warden wa pait yeiwa emkaam ki man ka sngi lait noh ha ki sngi chuti, wei da leh burom ya ki.
Ha kani ka yalang da em leh u ma Alan Niangti kam u kongsan uwa man leh kam u Waheh Chnong ka Loompyrdi Iongpiah uwa da ong hei klam yong oo wa waroh nadooh ki manbei manpa em i ka yukit wa khia yow yah ya ki khynnah ha ka luti wa toh wei heijooh i por leh kam wow u pynchlur ya ki.
Ha kani ka sngi da saam leh ki baam cha ki khynnah wa pait ya ka seiñ hapoh ka Crèche wa ka Play School, kamjooh wow ah yow cake wa da chna kyrpang ya ki.
Da pynkut ya ka yalang da i baam sñiawbha ya waroh wa emlang ha kani ka yalang wa i saam khusnam cha ki Warden ka Crèche wa kiwa sikai ka Play School.
Discussion about this post