Kam chibynta wow leh warom yaka sngikha u Mahatma Gandhi ynne ka sngi kawa tip leh kam ka Gandhi Jayanti, ka Dorbar Chnong Moolamylliang da pynman ko yaka Plogging Run namo ka yaphet deiwa jied lang yaki jhep wa em cha luti iwa pynbood saka pynkhooid chnong namo ka Cleaning Drive deiwa emlang u Dr. R. Pyrtuh, u BDO ka Saipung Block.
U BDO kam u kongsan da yaroh u yaka chnong kawa man kawi na ki chnong wa khooid wa miat hapoh East Jaiñtia Hills kawa da em yaki dieñ wa da thung soodong yong ka wei da e mynsien u leh ya ki bru ha kani ka chnong wow nang pteiñ ki ya ini i lehkhooid.
U Apmon Pachiang, Waheh Chnong Moolamylliang da pyntip u wa da sdang wow wanrah ya i khooid i suba ha kani ka chnong nadooh ka snem 2014 wei ha uni u snem da sdang wow thung ya ki dieñ wei dang pteiñ hadooh katni.
