Jowai : Ka Office yong ka District Development Manager yong ka National Bank of Agriculture and Rural Development (NABARD) Jaiñtia Hills da leh warom ko ya ka Bank Foundation Day ha ka 12 tarik uni u bnai ha Nongkroh, West Jaiñtia Hills.
Ha kani ka sngi da pynman ya ka Financial Literacy Awareness ya kiwa chong chnong kiwa em ha u pood ka West Jaiñtia wa ka Ri-Bhoi. Ya kani ka e sikai ya ki paidbah yei rukom krehkaam ka bank da leh deilang waka Society for Urban and Rural Empowerment (SURE), Jowai.
Hei klam yong u Teidor Thankhiew, DDM NABARD Jaiñtia Hills da khana u cha ki wa chong chnong ya kiwa boon jait ki ram kam ka Kissan Credit Card ka wa yatoh wa ki warep. Da ban joor u wa ka KCC ymtoh du neibynta i rep wei ye leh u pynemkaam ya ka ya kiwi ki kaam wa yatoh wei rep. Heijooh i por leh da pynchlur u ya ki warep yow sdang noh ki u wai ya ki Bank Account lada ym pu em ki.
U Richard Karlanguid Assistant Manager Meghayala Rural Bank won da pynkynmoo u ya ki warep yei emkaam u pyllang poisa ong u wa hadien wa tip i u pyllang poisa daw ye u leh ya kiwa boon wa emkaam i hei im i man ka sngi.
U Lionel Ryndem uwa wan mihkhmat naka Meghalaya Cooperative Apex Bank, da pyntip won u ya kiwi ki ram wa tyrwa ki bank cha ki paidbah.
Kiwi kiwa klam ha kani ka yalang toh u B.S. Shylla, Secretary ka SURE, u Arian Dkhar uwa man kam u Waheh Chnong Nongkhroh.
Discussion about this post