Ka Hynñiewtrep Achik National Movement (HANM) da kynmoo warom ko yaka lyngkhooh sngi yap wa 159 snem yong u Woh Kiri Dhar Dolloi Shangpung deiwa lai booh syntu ha tre u motdur sahnaam wa em ha Lummukut ha Shangpung Pohshnong.
Ya u Woh Kiri Dhar da kha ha u snem 1823 ha chnong Shangpung wei da chah siat yap u ha madan thma Lummukut Shangpung ha i por wa yaleh thma pyrchah yaka sorkar pharæng haka 05-02-1862.
Ha i lai booh syntu wa pynman ynnin ka sngi da yakhmat da u President Rangbah yong ka HANM u Lamphrang Kharbani deiwa ya emlang u MDC ka thaaiñ u J. Treilang Suchiang, u Waheh Chnong ka Shangpung Pohshnong u Richardson Rabon wa u Heibormi Sungoh na ka Seiñraij Shangpung.
Ha kani ka jooh ka sngi ka HANM da pynskem ko yaka Shangpung Circle kiwa da pynsmai da u Kharbani hi.
Ki kattu katni ngut kiwa kitkaam yong ka HANM Shangpung Circle toh u President-Chiborlang Suchiang, Vice President-Niham Sungoh, General Secretary-Teidaroiki Chen, Assistant Secretary-Lakhon Ïakai, Publicity Secretary-Damechwa Langwar, Sports Secretary-Phrangbait Dhar wa kiwi kiwi.
Kiwi de kiwa e yei klam toh u General Secretary u Raiwan Sohtun, u Comly Lyngdoh, President HANM West Jaiñtia, u Shaniah Suchen wa kiwi kiwi haka yalang wa pynlai da u Chiborlang Suchiang President HANM Shangpung Circle.
