Jowai : Ka National Service Scheme yong ka Kiang Nangbah Government College da leh warom ki ya ka Constitution Day ka ri India ha kani ka 26 Khonchonglad.
Ka Constitution Day kawa tip leh kam ka Samvidhan Divas da leh warom ya ka ha kylleiñ ka ri India ha ka 26 tarik neibhah wa ha kani ka jooh ka sngi ha u snem 1949, ka Constituent Assembly da pdiang ko ya ka Constitution kawa da pynkrehkaam won nadooh ka 26 Duyatra (January) 1950.
Ka sorkar India da pynbna ko wa ka 26 tarik Khonchonglad kam ka Constitution Day ha ka 19 Khonchonglad 2015 da u Prime Minister u Narendra Modi.
Ha kani ka sngi ha Kiang Nangbah Government College da pynman da ka yakop thoh Essay, Debate hajrong kini ki phang wei da em leh ka yalang lehwarom ya kani ka sngi ha ka College.
Ha ka yalang da yoh leh i klam na u ma M. Passah uwa man leh kam u N.S.S.Programme Officer uwa da klam hei yatoh wa kammon u burom ya ka Constitution wei u bood ya ka aiñ katkam wa da thoh ha ka Constitution.
Ha kani ka yalang da ya chim bynta da ki NSS volunteer kamjooh leh da yoh yei klam na u Principal ka college u S. Choudary.
Discussion about this post