Ynne ka sngi, ka Chnong Tuber Chohchrieh chirup wa i ya krehlang ka VDP, VO wa ka Seiñ Manbei ka chnong da lehwarom ki ya ka sngikha u pa ka ri u Mahatma Gandhi deiwa pynman yei pynkhooid yonglang ya ka chnong waroh kawi.
Hachwa ini da pynman ya ka yalang wa tbian ha yung krehkaam ka Dorbar Chnong Tuber Chohchrieh heiwa da pynlai ya kani ka yalang da u President ka VDP u Tolli Ksoo heiwa da yoh leh yei klam na u Secretary ka VDP uwa da batai malu mala chaphang i im u Mahatma Gandhi wa ya ki kaam bah wa da leh u neibynta ka ri.
Da pynbood da i klam naka President ka VO ka Emhok Bang kawa da batai chaphang i emkaam i khooid i jngiar iwa da pynbood sa i klam na u Waheh Chnong ka chnong u Khroo Ksoo uwa da batai bniah bha yei emkaam wow lehkhooid kam ki bru man-ka-sngi wei da sneiñ da kyntu bha u ya ki paaid wa chong chnong wa i lehkhooid ym mut ko du chi sngi hi tangwa iwa emkaam toh man-ka-sngi kam ki bru khnang yow yoh ya i chait i nang.
Ini toh katkam wa pyntip na u Secretary ka VDP u K. Rymbai.
