Ka Sngi ka Rymaw namo ka World Environment Day da lehwarom ya ka ha West Jaiñtia Hills District ynne ka sngi da ka Meghalaya Basin Management Agency-CLLMP, Jowai chirup wa ki bor District ha Lion Mission Compound Community Hall, Jowai hajrong ka phang ‘Only One Earth’ heiwa ka B. Blah, Block Development Officer, Thadlaskein C&RD da man ko kam ka kongsan katwa u Puramon Kynjing, Dolloi ka Elaka Jowai won da man u kam u symbood kongsan.
Ka Blah da ong ko wa i daw wa lehwarom ya kani ka sngi toh wow pynkynmoo ya waroh yei kaamram neibynta wow yada ya ka rymaw.
Da ong ko wow yada ya ka rymaw emkaam i yei yakrehlang yong waroh deiwa kyntu wow kular wow leh katwa ye jar i bor wow yada ya ka deiwa dam wow pynemkaam Plastic, wow thung ya ki dieñ, wow rah da ki klong-um na yung wei wow pynkylla yei rukom im da ka thong wow yada ya ka rymaw.
Ya ka World Environment Week namo ka Tayaw Ka Rymaw da sdang nadooh ka 2 tarik uni u bnai wei kam chibynta yong ini, ka Meghalaya Basin Management Agency da pynman ko yei thung dieñ ha DC Quarter, Municipal, Adventist Training School wa ha Block Development Office, Thadlaskein heiwa da thung hadooh 700 tylli ki tre dieñ. Da pynman leh ya ki yakob thoh Essay wa Drawing hajrong ka phang -‘Only One Earth’ wei da pynman ya ka yakob Debate hajrong ka phang “Urbanisation-A boon or bane” heiwa da em 20 tylli ki skur wa da chimbynta.
Kiwi kiwa da em ha kani ka lehwarom kynthup ki ya u Alan Niangti, President Synjuk Waheh Chnong Jowai, kiwa sikai, ki khynnah skur, ki sahep wa kiwa kreh ka MBMA.
