Ka lehkmen ya ka 77th Republic Day yong ka ri India ha Amlarem Sub-Division da pynman ka ha madan ka Amlarem Government Primary School da ka yung krehkaam ka Sub-Divisional Officer (Civil), Amlarem Civil Sub-Division.
Ya ka lama ka ri da wan wow pynhær da u Nujorki Sungoh, MLA uwa da chim leh ya ka Rashtriya Salute deiwa emlang ka Sub-Divisional Officer (Civil), ka Vevotolu Kezo chirup ki sahep sorkar na ki chnat waphær waphær, ki khynnah skur, kiwa sikai skur deilang ki paidbah wa boon.
Ha ka March Past da yoh nyngkong ka Mang Hai Ryum Higher Secondary School, Amlarem, hei wa ar da yoh ka Sohkha Government Higher Secondary School, Sohkha katwa hei wa le da yoh ka Nongtalang Government Higher Secondary School, Nongtalang.
Ha ki rwai ki chaad da yoh nyngkong ka Mang Hai Ryum Higher Secondary School, Amlarem, hei wa ar da yoh ka Lyea Rhen Dimiat Village Organisation, Padu Mawsku katwa hei wa le da yoh ka Thangbuli Upper Primary School.
Neiliang ki chnat sorkar kiwa da wan pynyoo rong ya ki kaam ki jaam yong ki da yoh nyngkong da ka yung krehkam u Sub-Divisional Agricultural Officer, Amlarem, hei wa ar da yoh ka yung krehkaam u Block Development Officer, Amlarem katwa hei wa le da yoh ka yung krehkaam u Sub-Divisional A.H. & Veterinary Officer, Amlarem.
Neiliang ka yung krehkaam u Block Development Officer, Amlarem da e ko yei khusnaam Best Performing Self Help Group cha ka Deimonlang Self Help Group, Mupyut katwa yei naam Best Performing Anganwadi Worker da yoh ka Aidaroi Khyriem.
Neiliang won ka yung krehkaam u SDM&HO-cum-Block Medical Officer, Amlarem Block da pynkup burom ya u Dr. Fernandez Lamin, Senior Medical & Health Officer, In-Charge Jarain, ka Lumlang Pohthmi, MLHP, Khonglah Sub-Centre wa ya ka Aletorisa Nongjngi, MLHP.
Discussion about this post