Hanla rem da 32 Run, kiwa yalehke ka Meghalaya da pynchkeh ki pyrchah yaka Vidarbha haka yalehke wa nyngkong yong ki haka Vijay Hazare Trophy 2023-24 One Day Tournament kawa pynman da ka BCCI ha Jaipur ynne ka sngi.
Ka Meghalaya hawa kawang bol ksoh ko yaka Vidarbha kawa da kamai 243/9 na ki 50 Over katwa ka Meghalyala hawa jubab da dooh lut ki ya ki Wicket deiwa yoh 211 na 48.1 Over.
U Dippu Ch Sangma wa u Kishan Lyngdoh waroh ar da psiah biang ki kam kiwa yalehke ka jylla hadien wym em yoh ki u chimbynta haka T20 Syed Mushtaq Ali Trophy.
U Dippu da lehbha u da ka bol deiwa yoh 4 Wicket deiwa e 43 Run na ki 10 Over katwa u Kishan da kama u 57 Run na ki 75 tylli ki bol. Kiwi de wa Bat wa lehbha toh u Swarajeet Das uwa da yoh 44 Run na ki 46 bol.
U Kishan wa u Swarajeet da kamai lang ki 78 Run neibynta ka Wicket wa san hadien wa yoh ka Meghalaya 77/4. Da kamai ki leh wut-wut heiwa chwa ini da chimpor 24.5 Over yow kamai 77 Run tangwa hadien wa wan kini da yoh ki 78 Run na ki 14 Over.
Deiwa pyrchang wow kamai smat da haap smat ki Wicket heiwa ka Meghalaya da dooh ko ya ki 6 ngut wa sah deiwa kamai 56 Run.
Ka Meghalaya kattu u yachem ko waka Chhattisgarh haka 25 yarik.
Discussion about this post