Ka Meghalaya Legislative Assembly Secretariat da pynman ko da ka Pre-Christmas Prayer Service wei kamjooh ka lehkmen ynnin ka sngi ha ka yung krehkaam wa em ha Khyndailad, Shillong.
U Commissioner & Secretary, Meghalaya Legislative Assembly, u Dr. Andrew Simons, da e u ya ki ktien pdiang sñiawbha deiwa emlang u Speaker, u Thomas A Sangma, u Deputy Speaker, u Timothy D Shira, u Chief Minister, u Conrad Sangma, ki Deputy Chief Minister, u Prestone Tynsong wa u Sniawbhalang Dhar, ki Montri sorkar, ki MLA, ki Speaker warim wa ki MLA warim deilang ki wakreh ka Meghalaya Legislative Assembly Secretariat.
Neiliang u Thomas A Sangma, da e u ya ka khubor lehkmen Christmas deiwa ong wa kam kiwa mihkhmat paidbah hanla man ki kiwa boonkaam leh toh u pynlait ki yei por wow lehkmen yow pynyoo yei yatylli deiwa pynyoo cha ki paidbah yei kaam wa bha.
U Timothy D Shira da phah u yei e khublei Christmas cha waroh, u Conrad Sangma won da pynsñiaw yei sñiawngooh ya u Meghalaya Assembly Speaker wa cha ka Meghalaya Legislative Assembly Secretariat kawa da pynkhreh ya kani ka lehkmen chwa ka Christmas kamjooh i ya ngooh Blai.
U Rev. Lyndan Syiem da e u ya ka khubor Christmas wa i ngooh Blai deiwa kynmoo ya ka sngikha u Jisu Christ.
Ha kani ka sngi da yoh yei rwai na ki khynnah ka AW Thomas Girl’s Home kamjooh na u MLA ka Mawkyrwat, u Renikton Lyngdoh Tongkhar uwa da rwai samen.
Da yoh leh ya ki rwai Christmas Carol na ka St. Cecilia Choir ka Laitumkhrah Parish Cathedral, kiawa man kam ka Choir warim dooh ka Archdiocese Shillong.
U Montri Rangbah da saam u leh ya ki e sñiawbha cha ki khynnah ka AW Thomas Girl’s Home.
Discussion about this post