Ka Saitsama Village Organisation lyngba ki manbei da leh pynem warom ki yaka sngi dap 1 snem pura i lai luti krehkaam yong ka haka 13 tarik uni u bnai deiwa emlang u MDC yong ka thaaiñ u Dawan Lyngdoh kam u kongsan.
Da ya emlang leh nadooh ki bru yong ka chnat Laskein Block nadooh u R. Shadap (DMM), u D. Nongpoh (BMM) wa u P. Langshiang kiwa da e chiboon ki kyntien sneiñ kyntu ya ki manbei ha kani ka sngi.
Yaka yalang da pynlai daka President yong ka Saitsama Village Organisation ka F. Neibom.
Da yoh leh yei klam wa tbian hawa yatoh waka Saitsama VO na ka Secretary yong ka ka Preciously Syngkon. Da yoh leh yei klam pdiang na u waheh chnong u KL Syngkon wa i klam wa tbian na ki arngut ki waheh u W. Timung wa u SL Vaichei.
Ha kani ka sngi kiwa da e yei klam da yaroh ki ya ki manbei wei kamjooh da kyntu ki yaki manbei wow man ki wa yaineh wa yaichah yoh u nang roi nang paar haka imlang sahlang ka chnong ka thaw.
Da pynwyrngia ya kani ka sngi da ki pynyoo riam tynre, ki yalehke wa tbian wei da pynkut da ki ktien e khublei naka D. Mukhim.
