Ha ka 15 tarik uni u bnai, ka seiñ HANM Narpuh Circle da lehkmen ko yei dap wa chi snem pura ha ka yalang wa da pynman ha yung krehkaam ka seiñ wei da em leh i ah Cake wei ya ka yalang da pynlai da u President ka seiñ, u P. Syiemlieh deiwa ya emlang leh kiwi kiwa yahkhmat ka seiñ deilang wa u waheh chnong ka Umstaiñ, u Robi Suchiang, u Vice President ka HANM East Jaiñtia Hills u Mih Thoo wa u President ka seiñ YO&DS, u S. Dkhar.
Ha kani ka sngi da em leh ki khynroo ka thaaiñ kiwa da wan wow psiah cha ka seiñ kiwa em 4 ngut wei da pynsmai ya ki leh da u President ka seiñ, u P. Syiemlieh uwa da man leh kam u chongknor ha kani ka sngi, wei da pynkynmoo joor u ya kini ki khynroo wa wan psiah cha ka seiñ wa ymtoh iwa suk tangwa em boon i eh wa hap ki wow lai luti wei toh u em i mynsien wa dap chynrang wow yieñ yaleh bait wei daw hap wow maad boon jait khamtam ha ki kaam chakri paidbah ym toh iwa suk wei wow man kiwa husiar wa kiwa yatylli hapoh ka bri wei wo ya krehlang leh wa kiwi.
Kiwa dang psiah thymme cha ka seiñ toh u Keldrim Sumer, u Diklos Shylla, u Shimlang Passah wa u Tapas Suchiang.
Ha kani ka sngi da pynthymme leh ya kiwa krehkaam ka seiñ neibynta ka samoi krehkaam nadooh u 2023 hadooh u 2028 kiwa man kamni ha wah:
President- U Pyndap Syiemlieh
Vice President- U Keldrim Sumer
General Secretary- U Shaiñmiki sumer
Assistant Secretary- U J Sumer
Publicity Secretary- U S Pala
Finance Secretary- U Pheiñ Sympli
Organising Secretary- U Isak Pala
Sport Secretary- U Manbha Pyrngap
Office Secretary- U Pynshlur Nongtdu
