Ha ka 27 tarik uni u bnai, ka “Tur Shaphrang” Village Organisation, VO Lumpyngngad, Amlarem Block, West Jaiñtia Hills District da lehkmen ko yei dap chi snem ka seiñ ha madanbol ka chnong heiwa kani ka VO kynthup ko ya ki 5 tylli ki SHG kiwa kreh yei roi i paar ha chnong kiwa kynthup ya ka SHG Shaniah Tylli, ka SHG Iateilang, ka SHG Ryntihlang ka SHG Chukai Dei Phrang waka SHG Khihmon Sngah Jam.
U kongsan ha kani ka sngi toh u M. Kharpran uwa man kam u Block Project Manager (BPM) Amlarem C&RD Block hei emlang u symbood kongsan, u Medalin Swer, ki bru wa bna khmat ka thaaiñ, u W. Chyrmang, wei da yoh i klam wa tbian naka Fitby Syrti kawa da pynche paidbah ya ka parom wa tbian ka VO.
Da khana ko wa hapoh chi snem da pyndep hadooh 12 tylli ki kaam nadooh i thung dieñ, i pynkhooid chnong, i lehkmen Independence Day, i yarap ya kiwa emkaam wow yoh yarap wa kiwi kiwi.
Da yoh leh i klam na u wa e buit ka VO, u C. Talang uwa man leh u waheh chnong ka Lumpyngngad.
Da wan pynchonchit ya kani ka lehkmen da kiwa chong chnong ki chnong marjan kam na Lumpyngngad, Kharkhana, Pasadwar wa kiwi kiwi.
Da pynphooh pynphieñ ya kani ka sngi da ki chaad ki rwai na ki dkhot ki SHG wei heipor janmiet won da em ka yalehke knieh chuki (Musical Chair), i yakhun kti, i phet pyllah 100 Meter ya ki chynrang wa kynthai wa kiwi kiwi de ki yalehke.
Discussion about this post