Lehkmen ka Balang Catholic Mookabeng yei dap 5 snem i e naam ya ka Maria kawa yarap yong ki Christan

Ka Balang Catholic Mookabeng wa haap hapoh ka Iongshiwiat Parish, West Jaiñtia Hills District, ynne ka sngi da lehkmen ko yei dap 5 snem i e naam ya ka Maria kawa yarap yong ki Christan ha kani ka Balang chnong nadooh wa pynkyntang wei wai ya ka yungmane ha kani ka chnong wei kani ka sngi man ko leh ka sngi wa kynmoo warom ya ka Maria ha chityllup ka pyrthai.

Kam ka dak i lehkmen, ki khon ka Balang Catholic Mookabeng da chimbynta ki hei rwai, i chaad kamjooh leh i lai Procession heipor noh chariñ sngi iwa da sdang na yungmane wei da lai tymbud u sarok chnong deilang i rwai wei ngooh Blai katwa dang lai kjat.

Manda poi ha yungmane, u Fr. Thawmon Sutnga, Parish Priest Iongshiwiat Parish da yahkhmat u hei duwai i rwai.

Neitæ won da yoh i klam heiyatoh wa kani ka sngi na ka Sr. Sentina Mary Nongsiej kawa da ong kam ka Balang Catholic pdiang ki ya ka Maria wei leh warom ki ka neibhah wa man ko kam ka bei yong u Blai u Jisu, heijooh i por leh kam ka bei yong kiwa ngait ka Balang Catholic.

Related posts

Lai yachem ka JNC wa u Nujorki neibynta ki chnong wym yoh sarok, yoh bordiñ wei ki wym em tang ha ka Census leh

November 23, 2024

I sñiawngooh na ka manyung wa maad yei sñiawsih cha waroh kiwa da wan e yarap  

November 23, 2024

Ong ko wa em boon ki paaid Christan kiwa da yoh maad ya ki kaam phylla wa da yarap ka Maria kamjooh kiwi won ki bru wa da paan yarap na ka.

Wei kamwa man ko ka bru wa khooid wa bha kawa maya yow Blai najrong kiwa boon ki kaam wa bha yong ka, kamtæ kyntu ko leh ya ki paaid wa ngait wow bood ki ya ki nongmuna wa bha yong ka.

Chwa ini hei step da em leh ka Mass Wa Khooid wa da pyndep da u Fr. Thawmon Sutnga.