Haka lyngkhooh snem dap 135 i wan ka Balang Unitarian, u Rupaia Lamar hawa e yei klam haka yaseiñ pyrdisngi hajrong ka phang “Ka jingaiei u Blei ban im ki mynsiem” da pynkynmoo u wa em boon i yaphær heiyatoh i e wa i yoh mynkna, tangwa iwa emkam dooh hi ong u toh i e mynkna wa mih dei maya wei kiwa pdiang leh u pdiang ki dei maya.
Katda kamtæ ong u wa kani ka sngi leh man ko ka sngi wa pdiang yei e mynkna u Blai, næ ka ñiam wa e mynkna kawa da paaw haki 135 tylli ki snem chadieñ.
Ya ini da ong u ynne ha ka lehkmen dap 135 snem ka Balang hapoh Ri-loom Khasi-Jaiñtia namo ka 135th Anniversary Celebration ha ka Balang Unitarian Jowai.
Ha kani ka sngi da pynkynmoo haroh u yei sdang ka Balang Unitarian hapoh Ri-loom Khasi-Jaiñtia wa yahkhmat da u Babu Hajom Kissor Singh.
Da e nongmuna u heiyatoh i e wa yoh naka bei wa hanla toh iwa dei su næ khlem su leh toh u pdiang dei maya, wei hawa pdiang toh u em i kitkhlieh wow pyndep næ pynemkaam hok yow man iwa sñiawsuk sñiawkmen ha waroh ar liang.
Da ong u leh wa toh u tip u sñiawngooh yeiwon iwon i e mynkna najrong wow em i kitkhlieh wa daw ye chooh chooh u yoh, tangwa lym tip won u sñiawgooh ye u dooh wot yeiwa em leh.
Kamtæ kyntu u wow man ki bru wa tip u sñiawgooh yei kyrkhu u Blai, wei yei yi wada pynkhamkti wym du u em i kitkhlieh tangwa wot ka kamraam u leh ha pyrthai.
Hei janmiet da pynkut ya kani ka lehkmen deiwa pynman yei rah diñ namo ka Procession.
