Ka Bank of Maharashtra Shillong Branch da lehkmen ko yei dap 10 snem nadooh wa wanpoi ko cha Meghalaya deiwa pynman ya ka yalang ynnin ka 18 tarik ha yung krehkaam yong ka wa em ha Howell Road Laban.
Deiwa e khublei ya kiwa chong chnong ka Laban yei e kyrchaan yong ki ya ka Bank kawa na jngai wow e laad yow chakri ya ki kamjooh yei pteiñ i chaniah yong ki ha ka Bank.
Neiliang u Branch Manager u AB Singh da ong u, “I poi cha uni u moomær toh du nei maya wa i burom wa da yoh na phi waroh,” da pynsñiaw u leh yei sñiawngooh ya ki wakreh waroh kiwa da kreh chitom wow pydep yei kaam yong ki hanla em ka khlam leh.”
U Singh da kdaw u leh yei pynemkaam ya ka stat Technology khamtam i pynemkaam ya ka Internet da man ko iwa da yarap bha ya ka Bank wow pynpliah yei chakri yong ka cha kiwa pynemkaam ya ka Bank.
