Ka EJNC da lehkmen ko yei dap 7 snem yong ka ynne ka sngi deiwa emlang kiwa yahkhmat ka EJNC na kylleiñ ka Ri-loom Jaiñtia kiwa da wan u ya chimbynta ha ka yalang wa da pynkhreh da ka EJNC-CEC ha Khliehriat West Community Hall.
Ha kani ka sngi da emlang leh u Kyrmen Shylla, Minister Social Welfare & Disaster Management wa kiwa yahkhmat ka JSU, JSM wa kiwi de kiwa chah khut sñiawbha.
Neiliang u Sambormi Lyngdoh, President Rangbah ka EJNC da pynsñiaw u yei sñiaw diaw hajrong i sahdien wei chah ieh khonswet yong ka East Jaiñtia Hills District ha kiwa boon ki liang nadooh i sih ki sarok ha ki thaaiñ palatsor iwa da booh ya ki paidbah hei eh wa khroo khamtam heipor liyur.
Da kdaw u leh yei duna ki skur sorkar wei yei wym em College sorkar, chooh chooh da pynsñiaw wa ka EJNC ka kyrchaan pura ko yei dawa yong ka JSM wow pynyoh College sorkar hapoh East Jaiñtia Hills District.
Da pynsñiaw u leh yei sñiawsih yei chah kñieh i kamai kajih yong ki tre ri-tre muluk ha ki bru kiwa na baar jylla, i dooh kreh dooh jaam yong ki khon khynroo wa i tlot yong ka JHADC wow kdoh u khoom yei khayi pyrchah aiñ ki baar jylla.
Ha kani ka sngi da yoh yei chaad tynre na ki khon khynroo ka chnong Tuber wa Jalaphet wa i rwai naka EJNC-Khliehriat Unit.
