Deilang waka ri waroh kawi, ka East Jaiñtia Hills leh da lehkmen ko ya ka 76th Republic Day ha ka yalang wa da pynman ha Khliehriat ha madan ka Khliehriat Higher Secondary School heiwa u Montri ka sorkar jylla, u Kyrmen Shylla da pynhær u ya ka lama le rong ka ri wei da chim u leh ya ka Rashtriya Salute yong ki 9 tylli ki dhab wa chimbynta ha ka Parade wa kynthup ya ki District Police, Civil Defense & Home Guards deilang ki khynnah skur.
Da chimbynta leh ki kari na ki chnat sorkar kiwa da pynriam pynbait kiwa tip kam ki Tableau yow pynyoo yei kaam wa da leh ki kamjooh ki Scheme sorkar wei da yoh leh ki chaad ki yalehke na ki khynnah ka skur.
Da saam leh ki khusnaam cha kiwa jop ha ka March Past heiwa ka JNV Rymbai (Boys) da yoh nyngkong ko, ka JNV Rymbai (Girls) da yoh wa ar ko katwa ka Ambrose Memorial Secondary School, Khliehriat da yoh wa le ko.
Da em leh i saam khusnaam cha kiwa jop ha kiwi ki jait yakob kam ki chaad tynre heiwa ka Dorbar Chnong Tuber Kmaichnong da yoh nyngkong ko, ka KB Memorial Secondary School, Wapung da yoh wa ar ko wei da yoh wa le ka Biate Cultural Troupe.
Neibynta ki Tableau da jop ka yong ka District Horticulture and Agriculture Office, East Jaiñtia Hills District, hei wa ar da yoh ka District Commerce & Industries Centre (DCIC), Khliehriat katwa yei wa le da yoh ka Soil & Water Conservation Department.
Da em leh i lai saam sñiawbha cha kiwa em ha ki Shelter Home ha Khliehriat wa cha ki khynnah ka 7Tyndai Child Care Counselling Centre, Tuber Kmaishnong.
Discussion about this post