Kam chimbynta wow pynem warom yaka World Environment Day, ka Kiang Nangbah Government Higher Secondary School, Jowai ynnin ka sngi hei yahkhmat yong ka Vice Principal, ka Nangroi Bthuh chirup wa kiwa sikai wa kynthup ya ka Kliss Rymbai, ka Emidaka Pasweth wa u Iakitboklang Sten, da pynman ki yei thung dieñ yow pynsñiawthooh ya ki khynnah skur yei emkaam u pynneh pynsah ya ki dieñ wei wow burom ya ka bei rymaw.
Hei klam wa yoh naka Vice Principal, da ong ko wa hei im yong i, nyngkong dooh emkaam i yaka rymaw neibhah lyngba i pynneh pynsah wa i khooid ka rymaw, ye ko u e ya ka la-ær wa khooid yow riñ mynsien.
Neibhah ini e kylla ko ya i doh i pran wa chait wa khiah wei lyngba ka bei rymaw yoh i leh yei baam yei dih yong i. Na ini i daw kam chibynta wow pynneh pynsah ya ka rymaw neibynta ki pateiñ yong i toh u chim i ya kani ka laad yow thung ya ki dieñ ynne ka sngi, da ong ka Principal.
Ka phang pyrdi wa da booh ha kani ka sngi toh kawa ong “Let’s nurture the nature so that we can have a better future”.
