Ka Mihmyntdu Community Social Welfare Association (MCSWA) ha ka 13 tarik uni u bnai da lehkmen ko yei dap wa 40 snem yong ka seiñ ha i chakri ya ka imlang sahang.
Ya ka yalang da pynman ha Salaroh, Jowai heiwa u Brightstar Chyrmang uwa man u MDC ka North Jowai Constituency da man u kam u kongsan hei emlang u Director & Founder MCSWA, u Wilson Dohling, DDTI MACS wa u Lambor Suchen uwa man u Skill Development Officer ka MSSDS West Jaiñtia Hills.
U kongsan hawa e yei klam ha kani ka sngi da sñiawkmen u wow embynta ha kani ka lehkmen ka MCSWA ya i dap 40 snem ka chakri yong ka heiwa da ong u wa ka MCSWA da leh ko chiboon ki kaam kiwa bha ha ka imlang ka sahlang khamtam wow yarap hei wow seiñ kreh ki khynroo.
Ha kani ka sngi u Brightstar da wai u leh ya ka Website yong ka MCSWA.
Chwa ka yalang da em i puræ wa i duwai na u Rev. D. Lyngdoh, i klam pdiang sñiawbha na ka Sunita Suna, da yoh leh i rwai hajrong ka thong ka MCSWA.
Da yoh leh i klam na ka Dr. Joanietta Shullai kawa man kam ka Director & Founder MCSWA wei ya ki kyntien khublei da yoh na u A.J. Nongkynrih, Chief Functionary MCSWA.
Ha kani ka sngi da saam leh ya ki tiar sahkynmo namo ki Mementos cha ki dkhot ka seiñ wa kamjooh ki dkhot warim ka MCSWA heiwa da saam leh ya ki Certificate cha kitu kiwa da pyndep ya i chah hikai ha i soor namo Tailoring Course wei kamjoh leh wa da pyndep ya i kaam psan sniang namo Piggery, i Beautician, Food Processing wa Fast Food Vendor.
