Ka jylla Meghalaya ynne da lehkmen lang ko waka ri ya ka National Youth Day kawa man leh ka sngikha u Swami Vivekananda. Neiliang ka Nehru Yuva Kendra Sangathan Shillong, deilang waka Ramkrishna Mission da pynman ki ya ka yalang deiwa bood ya ki kyndon yada COVID-19 wa booh da ka sorkar.
Kiwa chimbynta da booh syntu ki leh ya u Swami Vivekananda deiwa kynmoo tympang ya iwa sikai u.
U kongsan ha kani ka sngi toh u State Director, Nehru Yuva Kendra Sangathan, u Atul J Nikam uwa da khut ya ki khynroo khyllood wow bood ya ki dak kjat u Swami Vivekananda wei wow e laad ya ki buit yong oo wow em ki ha ka imlang sahlang.
U Secretary ka Ramakrishna Mission, u Swami Hitakamanandaji Maharaj wa u Bobby Wahlang, Youth Co-ordinator naka Department of Sports and Youth Affairs ka sorkar Meghalaya da khut u ya ki khynroo wow yoh mynsien ki na ki kyntien u Swami wei wow em i kitkhlieh wow chna u tei ya ka ri.
Kiwa lai puræ ha ka Ramakrishna Mission Vivekananda Cultural Centre da e ki yei rwai Khasi wa e pyrtuid “Ka Sneng Ka Khraw” hawa pynkut pynwai ya ka yalang.
Ya kani ka 25th National Youth Festival da sdang ya ka ynne da u Prime Minister Narendra Modi yow seiñdur yei pyrkhat pyrdaiñ ki kynroo khyllood ka India yow man ki ka bor wa yatylli yow tei ya ka ri ‘Ek Bharat, Shreshtha Bharat’.
Ha kani ka sngi da emlang ka Sports Officer naka Directorate of Sports and Youth Affairs, ka Bansara Dhar, Archery Coach, u Khlain Pyrkhat Syiemlieh, Football Coach, u Debasis Datta NYK Shillong.
