Kam chibynta wow ksohkti lang wa ki ri ka pyrthai waroh yow lehkmen yaka sngi kyrpang yow pynneh pynsah ya ka bei rym-aw namo ka World Environment Day, neiliang ka Dorbar Chnong Mynso-A ynnin ka sngi da pynman ko da ka yakob Drawing & Painting Competition ha yung Dorbar Hall ka chnong.
Ha kani ka yakob da wan chimbynta da ki 7 tylli ki skur kiwa em hapoh ka chnong Mynso-A wa kynthup ya ka Govt Basic School, ka Kiang Nangbah Govt LP School, ka Lumrymmu SSA LP School, ka Faith Academy LP School, ka Persara LP School, Lumaitwieh LP School waka Lumiariang SSA LP School.
Ha kani ka yakob da jied 5 ngut ki khynnah skur na kawi ka skur kiwa chimbynta hajrong ka phang “Ka laad yada yaka rym-aw”. Hadien wa kut kani ka yakob chwa u saam ya ki khusnaam cha kiwa jop, da yoh leh i pynsñiawthooh hajrong ka phang ka laad yada yaka rymaw heiwa u Second Step Bareh da man u kam u bru chemphang namo u Resource Person hajrong kani ka phang.
Ha kani ka sngi da em leh i ya thung dieñ wei pynkhooid chnong da waroh kawi ka chnong wa da chimbynta da ki dong waroh wa jar jiar ki skur.
Ya kiwa jop da yoh ki ya ki khusnaam deilang wa ki Certificate.
