Ka North Eastern Indira Gandhi Regional Institute of Health and Medical Sciences (NEIGRIHMS) da lehkmen ko yei dap 13 snem kani ka thaw sumaar ha ka 4 tarik uni u bnai ha ka yalang wa da pynman ha NEIGRIHMS Auditorium.
Ya ka yalang da sdang da i rwai pdiang sñiawbha da kiwa lai puræ kani ka thaw deiwa emlang u Prof. (Dr.) Balram Bhargava, Chief, Cardio-Thoracic Sciences Centre kamjooh u khlieh ka Department of Cardiology, AIIMS, New Delhi, kam u kongsan.
Hawa e yei klam da ban joor u yei emkaam ki 3 tylli ki S, kitæ toh Samvedana (Empathy), Samvad (Communication) wa Sparsh (Clinical Touch), hawa e yei sumaar ya kiwa chitom khamtam ya kitu kiwa dang dep puræ MBBS, MD/MS Post Graduate Residents wa MSc. Nursing.
Da e u leh klam 13th NEIGRIHMS Annual Day Oration.
Neiliang u Prof. (Dr) Nalin Mehta, Director NEIGRIHMS, da klam u chaphang i emkaam wow e sumaar deiwa miat wei wow burom yei rai kiwa kjut wa chitom. Da kyntu u leh wow e sumaar khlem da pyrkhat ya idæ.
Neiliang u Prof. Animesh Mishra, Registrar, NEIGRIHMS da e u yei ktein pdiang sñiawbha katwa u Prof G. K. Medhi, Dean, NEIGRIHMS da klam u chaphang kiwa boon ki kaam wa e sikai ha NEIGRIHMS.
Ha kani ka yalang, u Prof. (Dr.) Balram Bhargava, Chief Guest, da saam u leh ya ki Certificate cha kiwa pyndep ya ka MBBS (2017 Batch), MD/MS Post Graduate Residents wa M.Sc. Nursing, deilang waka khusnaam ‘Best Outgoing Graduate’ wa da e cha ka Dr. Debabrita Chakraborty.
Yei naam Best Scientific Publication da e cha u Prof. T. Natung, HoD, Ophthalmology, cha u Dr. Pranjal Phukan, Addl. Prof., Radiodiagnosis kam kiwa sikai wei cha u Dr. Kalaragini Rajshekhar kam u Resident Doctor.
Kiwi de ki khusnaam kiwa da saam toh neibynta ka Best Oral Presentation wa Best Poster Presentation ha i por wa pynman ya ka Scientific Session kam chibynta kani ka 13th Annual Day ka NEIGRIHMS.
Da pynkut ya kani ka lehkmen da ki rwai ki chaad tynre ka thaaiñ North East India.
