Ka Nehru Yuva Kendra Sangathan’s (NYKS) Meghalaya Wing ynne ka sngi da pynman ko ya ka Cycle Rally ha Shillong kam chibynta ka World Bicycle Day deiwa ya krehlang wa ka Pioneer Youth Organisation ka Department of Youth Affairs yow pynchlur yei rukom im deiwa chait.
U Additional Deputy Commissioner, East Khasi Hills District, u M S Sangma da man u kam u kongsan uwa da kaweh lama ya kani ka Rally na Youth Hostel, Shillong heipor 6:30 i step.
Waroh da em 75 ngut kiwa da chimbynta ki chynrang wa ki kynthai nadooh ki khynnah nadooh ki waheh wei da man ko leh kam chibynta ka lehkmen dap 75 snem yoh laitlooid ka ri kawa da e pyrtuid Azadi Ka Amrit Mahotsav.
U kongsan hawa e yei klam da kdaw u yei myntoi wa yoh nei yah Cycle hawa im i man-ka-sngi wei da pynchlur u leh ya ki paidbah ka Meghalaya yow pynmyllien u yah Cycle. Da ong u leh wa i lai kjat wa i yah Cycle yarap i u pynduna yei kjut klongsnaam, i kjut chini wa kiwi kiwi kamjooh man ko leh iwa bha ya ka rymaw yow wanrah yei khooid. Da saam u leh ya ki Certificate cha kiwa chimbynta.
U Assistant Director, DYSA, ka sorkar Meghalaya, u P B Warjri, State Director, NYKS, u Atul J Nikam, Deputy Director NYS Meghalaya, u D Rapsang, President, Meghalaya Cycling Association, u Lening Bareh, Vice President, MCA, u Banshan Khyllait da emlang ki ha kani ka sngi deilang wa kiwi.
