Ynne ka sngi ka Seiñraij Higher Secondary School, Jowai da pynman ko ya ka lehkmen Advance Behdieñkhlam 2023 deiwa pynman ya ka Social Work ha ka sngi khaddooh yong ka Half Yearly Examination 2023.
Kamwa jooh leh man-u-snem, ka skur da pynman ko ya ka lehkmen Advance Behdieñkhlam wei ynne ka sngi Muchai hadien wa da dep thoh ki khynnah ya ka Half Yearly Examination 2023 da em i pynkhooid ya ki talawiar ka skur heiwa waroh ki khynnah chirup wa ki wakreh da pynriam ki ya ka skur khnang wow man ko kawa phooh wa phieñ chwa wow poi ki Soo Sngi Le Yaaw ha ka 6, 7, 8, wa ka 9 tarik u Naiynñiaw 2023.
Hadien ini da em ka yalang wa tbian ya kawa da pynlai da ka Mariyoo Rymbai kawa man ka Headmaster ka Seiñraij UP School, da yoh i kyntien ngooh Blai na ka Wandalanki Dkhar kawa man ka Asst. Teacher ka LP School, i klam na ka Daleie Bareh kawa man ka Principal ka Seiñraij HS School, na ka Revulet Challam kawa man ka Asst. Headmistress ka Seiñraij Secondary School, ka Ewotroi Shilla kawa man ka Head Teacher ka Seiñraij LP School, wei da pynkut ya ka yalang da ki kyntien khublei na ka Finland Passah kawa man ka Asst. Teacher Seiñraij Secondary School.
Manda kut ka yalang da saam ya i baam cha ki khynnah wa da pynkhreh da ka School Managing Committee yong ka Seiñraij Jowai, wei da pynbood ya i ah ya u Cake kam wow lehwarom ya kani ka sngi.
Kani ka lehkmen mut ko kam ka dak wow pdiang warom ya ki Soo Sngi Le Yaaw kiwa u Trekirot Kynrad wow wan pait wan yoo u ya u Yñiaw Wasa wa ki Sangia Saret.
