Ka S Shekinah Marboh da wanrah burom ko ya ka St. Mary Mazzarello Girls’ Higher Secondary School, Jowai deiwa yoh ha ka 12th Position ka Result Secondary School Leaving Certificate Examination 2026 heiwa da yoh ko leh 6 tylli ki Distinction (E,M,S&T,SSc,HPE,Kh) wa ki Total Marks wa 563.
Hawa yoh u yaklam wa ka Shekinah da ong ko wa nadooh dang khian kwah hi ko wow poi chakhmat wei kat dang heh da sñiaw ko man i iwa eh tangwa deiwa pynchlur kiwa sikai skur heiwa ha kini ki ar snem da em kiwa yoh Position, kamtæ da em i yooluti wow yoh cha ki 16 næ 17 Position tangwa ym em poi pyrkhat ko wow yoh ya ka 12th Position iwa da pynkmen ka hadooh wym ye mutdur de.
Da e ngooh ko leh yow Blai yeini wa da poi ko cha kani ka kyrdan.
Heiyatoh won kammon pynkhreh ko ya ka Exam, da ong ko wa kreh khot ko dei sngi ymtoh ware dei step wa dei miet neidaw wa kjam ha itu i por wei da kreh leh katkam ki Notes wa da e kiwa sikai kamjooh kiwa yoh yarap Online.
Heipor wa man Exam leh ong ko wym em thiah miet ko.
Da ong ko leh wa neiliang ka bei u pa ko ym em pynbor ki deiwa ong wow leh ko katwa ye katwa neiliang ka skur won da rap pynbor ki wei da sñiawngooh ko yeini neibhah lada ym em pynbor boi ym poi cha kani ka kyrdan.
Ka thong yong ka kattæ toh wow lai puræ Science wei hadien ka Class-XII daw pait cheiwon yahluti u Blai lada ha ki kaam Civil Service leh.
Ha kani ka sngi neiliang ka skur da pynman ko yei pynkup burom ya ka Shekinah heiwa da em leh i rwai lehkmen na ki khynnah skur.
Discussion about this post