Ki bor pait bor pynlai ka Welcome Gayang Memorial School, Jowai ha ka sngi Muchai 24 tarik Naikhynde da pynman ki ya ka sngi kyrpang ki bei ki pa yong ki khynnah skur wa tip kam ka Parents’ Day.
Ha ka yalang yahkhmat wa tbian yong kani ka sngi hei sakhilang kiwa boon ki manbei manpa, u Rev. Mynried Kyndiah da siang u ki kyntien duwai neitæ pynbood won ki kyntien pdiangburom na ka Rev. Dr. Wakiru Kyndiah katwa ya ki kyntien kyrpang heiyatoh wa kani ka sngi da pachat da ka B.W. Nongbri, Secretary School Managing Committee, Welcome Gayang Memorial School.
Ka B.W. Nongbri hawa klam da yaroh ko ya ki manbei manpa kiwa da pynyoo i mynsien yakrehlang wa ki bor pait bor pynlai ka skur na ki por cha ki por wei kyrmen yooluti ko dei ya krehlang kiwa sikai wa ki bei ki pa ka mynried ki khynnah u man ko kawa miat wa bha.
Neiliang ki khynnah skur dap ki dei kmen i ka-it mynsien wei khmat wa yoo phooh yoo phieñ wow ku tyngkong u pynyoo yei sap yong ki da ki rukom lehke pynwyrngia waphær wa man chibynta ka dak i sñiawngooh sñiawburom ya ki bei ki pa yong ki.
Khaddooh ya kani ka yalang da pynkut deiwa yoh ki kyntien duwai na u Rev. Dr. E.R. Tongper.
