Ka Trained Nurse Association of India (TNAI), East Jaiñtia Hills Unit, da pynman ko yei lehkmen ya ka sngi kyrpang ki Nurse wa em hapoh ka District haka 14 tarik uni u bani yow kynmoo warom leh yaka sngikha ka Florence Nightingale kawa man kam kawa pynkylla dur yei rukom kreh ki Nurse kawa da tip leh kam ka International Nurses Day.
Ki Nurse yong ka Sutnga CHC da pdiang ki wow pynman ya kani ka yalang kamjooh wow pynlai ha yung krehkaam ka Dorbar Elaka Sutnga deiwa emlang u Seiborlang Shadap, MDC ka Sutnga-Narwan Constituency kam u kongsan, neitæ u symbood kongsan, u Mekithi Sutnga, Principal yong ka Sutnga Presbyterian Higher Sec. School deiwa emlang Dr. Wandap Bamon, Sub-Divisional & Health Officer, ka Dr. R. Toi, Medical & Health Oficer In-charge ka Sutnga PHC, Dr. M . Sutnga, Medical & Health Officer ka Sutnga CHC, u Pynbha Sutnga, u Tobias Nongtdu, u Pynwan Sutnga kiwa man ki Executive Member yong ka chnong Sutnga.
Neiliang ka TNAI, EJH Unit da pynkup burom ko ya ka Test Mary Suna, Ex-Nursing Superintendent yong ka Civil Hospital Khliehriat, kawa da chnong-ngiah ha uni u bnai.
Hadien wa wai u kongsan ya kani ka lehkmen, heipor janmiet won ki Nurse yong ka Civil Hospital Khliehriat, MCH Khliehriat, DHMO Office, Sutnga CHC, Pamra Paithlu PHC, Saipung PHC, Bataw PHC, Umkiang PHC, Lumshnong PHC wa Rymbai PHC da pynkut ki ya kani ka sngi da ki chaad ki rwai kam i dak lehkmen yeini i leh burom ya kani ka sngi kyrpang ki Nurse.
Discussion about this post