Jowai: U montri ka chnat Social Welfare ka sorkar jylla u Kyrmen Shylla, kam chibynta I lehkmen yaka sngikha yong oo haka 22 tarik uni u bnai da lai e yarap u cha kawi ka thaw ri khonswet wa em ha Tuber Kmaishnong, East Jaiñtia Hills District watip kam ka 7 Thyndai Child Care Institute Cum Counseling Centre.
Ha katai ka sngi da e sñiawbha u chaki khynnah daki sula, ki muna skur deilang ki tiar wa emkaam hei puræ puthi, neitæ nalor wa e haroh u i baam, da e yarap u saka poisa kamwa T. 20,000.
Kam u montri wa pait yei bha i miat ka imlang sahlang khamtam heiyatoh ki kynthai ki khynnah da pynsñiaw u i kmen wow yoh emlang waki khynnah kani ka thaw ri khonswet ha kani ka sngi, wei da kular haroh u wow thooh ki laad ki luti neibynta u pynyoh yarap yaka.
Neiliang kiwa pynlai ka 7 Thyndai Child Care Institute Cum Counseling Centre leh pynsñiaw ki i sñawngooh wa khroo ya u Kyrmen Shylla wada wan lehkmen u yaka sngi kyrpang yong oo ha kani ka thaw deilang i yarap wa da e u.
Da emlang ha kani ka sngi u Francis Swer uwa da e leh i yarap T. 3000, u Bewil Shylla President Seiñraij Tuber, u Mul Phawa wa kiwi nalor ki dkhot ka Executive Committee ka 7 Thyndai Child Care Institute Cum Counseling Centre.
Discussion about this post