Ka chnat i chait i khiah kawa pait yaka thaaiñ Pasadwar Sub-Center deiwa ya krehlang waka yung krehkam u Range Forest Officer, Pasadwar Range da yoh ki wow pynman yaka Awareness Programme ha pchem ka Sub-Center heiyatoh waka World Environment Day ynne ka sngi hajrong ka phang TIME FOR NATURE.
Da pynlai yaka yalang da u Range Forest Officer u J. Bamon hei emlang ka Sister ka Aboli Khongsumi, HWC Pasadwar Sub-Center, ki wakreh ka chnat Forest wa Wildlife, ki waheh chnong, kiwa sikai, ki wakreh Anganwadi, ki wakreh ASHA, ki dkhot Committee chnong, ki Volunteer COVID-19 yong ki san tylli ki chnong nadooh Sankhat, Kamsing, Pasadwar, Lumpyngngad wa Kharkhana.
Neidaw wa kani ka Awareness Programme da man ko hapyrdi ka Lockdown ym em da khut lang ya waroh, da khut du ya kiwa emkaam neibhah hap bood katkam ki kyndon aiñ yong ka sorkar.
Ha kane ka sngi da yoh yei klam na kiwa chah khut kam u Range Forest Officer, da yoh yei klam leh na u C. Talang, waheh chnong Lumpyngngad, naka P. Rymbai ASHA Pasadwar, u Deimonmi Bareh uwa sikai ka Kharkhana UPS, u A. Pamblang waheh chnong Kamsing, u E. Khongiong waheh chnong Sankhat wei da yoh yaki kyntien e khublei naka Aboli Khongsumi, HWC Pasadwar neitæ da yoh leh wow thung dieñ ha pchem ka Sub-Center kawa yatoh wa kani ka sngi.
