Ynnin ka 3 tarik, ka Ephatha Society kawa man ka seiñ wa kreh mon sñiawbha neibynta ki bru wa kyrpang, chirup wa ka pyrthai waroh kawi da lehwarom ko yaka sngi yong ki bru wa kyrpang namo ki bru wa em i duna ha i doh i pran kam chibynta ka International Day for Person with Disabilities 2022 hajrong ka phang: ‘Transformative solutions for inclusive development, the role of innovation in fuelling an accessible and equitable world’ ya kawa da pynman ha pchem ka yung krehkaam ka Ephatha Society kawa em ha Moowakhu Dkhiah, East Jaiñtia Hills District.
Ha kani ka sngi u Nehemayah Tyngkan da man u kam u kongsan, u Postling Dkhar kam u symbood kongsan deiwa emlang ka Ripaia Passah kawa man ka District Social Welfare Officer Khliehriat, ka Rinish Siangshai, Panel Lawyer, DLSA Khliehriat, u Fr. George Lyngkhoi wa kiwi kiwi.
Hawa sdang ka yalang u Rev. E.S. Sapuh, President ka Ephphatha Society da maitphang u chaphang i lai luti ka Society wa i thmu wa da leh ha kani ka sngi wa ha ki por wow wan.
Hawa e yei klam, waroh da yaroh ki ya ki dkhot ka Society wa da chakri kyrpang du neibynta kiwa duna ha i doh i pran (Person with Disabilities) wei da kitbok ki ya ka Society wow lai chaphrang.
Ha kani ka sngi ka Society lyngba i e sñiawbha ki dkhot da ye wow saam ya ki Appreciation Certificate cha ki 3 ngut ki bru wa kyrpang, ki Proficiency Award cha ki 3 ngut kiwa duna ha i doh i pran kiwa da pyndep ya ka SSLC chirup wa ka song poisa, wei da e kti leh ya ki 2 tylli ki Wheelchair cha kiwa ymye wow lai u yieñ ya kiwa da yoh yarap na ka State Resource Centre Shillong wa uwi u White Cane ha uwi u wym chynna ki bor khmat.
Kam wow pynkynmoo ka Ephphatha Society da man ko du ka ka seiñ ha Ri-loom Jaiñtia kawa kreh du neibynta ki bru wa kyrpang (Disability Affairs).
Kani ka Society em ko leh ya ka thaw e sikai namo ka Inclusive Vocational Training Centre ha ka Course Tailoring wa Music, kyrpang neibynta kiwa duna ha i doh i pran, hajrong i thmu wow e Skill Training khnang wow ye ki wow khih u kreh.
Da pynkut ya ka yalang da ki ktien khublei na u TBn. S.Phawa uwa man u Secretary ka Ephphatha Society.
