Chibynta wow lehkmen yei dap 75 snem ka India, ka sorkar pyrdi da sdang ko ya ka lehkmen ‘Azadi Ka Amrit Mahotsav’ neibynta 75 tayaw nadooh 12 Wisu, 2021.
Kam chibynta i lehkmen, ka Geological Survey of India, North Eastern Region da pynman ko chiboon ki kaam ha Regional Head Quarters kamjooh ka ki yung krehkaam ka chnat ha ki jylla wa ka thaaiñ mihsngi kiwa kynthup yei e snaam sñiawbha, i thung dieñ wa kiwi kiwi.
Da pynman leh le tylli ki Webinar hajrong ka Geology of Himalaya, Seismic Micro/ Macro Zonation and Engineering Geology wei kammon krehkaam ki ya kiwa da pynman da ka Regional Headquarters, Shillong wei da pynman leh ya ar tylli ki Webinar hajrong ka Landslide Causes and its Mitigation da ka State Unit Assam wa Sikkim wow pynsñiawthooh paidbah hajrong ka Geoscience.
Chooh chooh ka GSI Training Institute, Shillong da pynman ko 17 tylli ki e sikai ya ki khynnah ki skurbah wa ki College ka thaaiñ mihsngi heiwa da em 700 ngut kiwa yoh myntoi.
Ynne won da pynman ya ka yalang neibynta ki khynnah ha Shillong ya kawa da wan wai da u G.K. Kesari, ADG & HoD, NER hei emlang u Prof. Devesh Walia, Head of Dept of Geology, NEHU, Shillong.
Da pynhær leh 75 tylli ki Balloon kam ka dak yong ka Azadi ka Amrit Mahotsav wei da pynman ya ka esikai neibynta ki khynnah ka St. Anthony’s College, Shillong ha Umiam Hydro Electric Project.
Heijooh i por da pynman leh ya i lai pait ya ka Nuseum kamjooh ka Laboratory ya ki khynnah skur wei da pynbood won da ka yakob Quiz. Da pynlait leh ya ka kot lakdop Geo-tourism Hotspots of NE India.
