Ka Livelihood Integrated Foundation da lehwarom ko ya ka sngi pynneh rym-aw namo ka World Environment Day 2023 ynnin ka sngi ha Saipung PHC heiwa da emlang u Lira Ngamlai, Asst. Waheh Chnong Saipung, u Dr. Dhoni Teron, Medical Officer, Saipung PHC kiwa man kam ki symbood kongsan wa u Lam Syrti uwa man u Saipung Range Forest Department kam u kongsan.
Da pynlai ya ka yalang da u Andy Laloo uwa man u Secretary ka Livelihood Integrated Foundation uwa da pyntipmit leh ya ki dkhot ka Society wa kiwa kitkaam yong ka.
U Lam Syrti hawa e yei klam da khut u ya ki paidbah wow man kiwa bniah hei wow pynkhooid ya ki thaw rep khamtam hawa thang ya ki jhep wa ym ktah ki ya ki mar rep, da ong u leh wa ka yung krehkaam yong oo man ko kawa smat wow yarap wei wow krehlang wa kiwon kiwon heiyatoh wa i yada ya ka rym-aw.
U Dr. Dhoni hawa e yei klam da khut u ya ki paidbah wow sangeh u noh khiar ya ki Plastic neidaw wa kini ki mar ym py’ut ki da ki phaw phaw snem.
U Lira Ngamlai da kyntu u ya ki paidbah wow husiar ki khamtam hei wow yada ya ka rym-aw wei wow chimbynta wow yada ya ka rym-aw.
Da yoh ya ki kyntien khublei na u Nangiaid Pachiang uwa man u President heiwa da pynkut ya ka yalang da i ngoohblai.
Ha kani ka sngi da emlang ki dkhot ka Society, kiwa kreh ka chnat Forest Department, Saipung Range Office wa kiwa kreh ka Saipung PHC kamjooh kiwa chong chnong ka Saipung.
