Jowai : I lehwarom ya ka World Environment Day ha Jowai da pynman ynne ka 5 tarik hadien wa da dep lehwarom yaka daka Mynthong wa ka Balang Presbyterian ynnin ka sngi.
Ha i step yong ka 5 tarik ka Loompyrdi Iongpiah da leh warom ko ya ka sngi ka rymaw næ ka World Environment Day heiwa da thung ya 20 tre dieñ ha madan Mynkoi Pyrdi, Loompyrdi Iongpiah.
Ka matphang næ ka theme yong kani ka thung dieñ toh “I tyrsu i booh teiñ, sti-r’khoh ka pateiñ”.
Ha chwa i thung dieñ da em chwa ka yalang wa khian wa pyllai da u ma Hambiness Passah, Vice Chairman, katwa u S. Shullai, Range Forest Officer da man u kam u kongsan.
U kongsan hei klam yong oo ong u wa i kwah rhah yong u bru da booh i yaka pyrthai ha i ma wa khroo bha khamtam i ah khlem pyrkhat ya ki dieñ, ki seij wei tih ya ki marpohkhydnaw.
Ong u leh wa boon ki kaam wa leh be-aiñ kam i chalan tooh ya ki dieñ, ki mrad da ktah joor bha i yei chait i khiah ka rymaw. Khlem ki dieñ daw pynku ko leh ya ka Carbon Emmission kawa pynchit ya ka pyrthai iwa da tip kam ka Global Warming.
Discussion about this post