Ka yung krehkaam Senior Dairy Officer kawa em hapoh ka Directorate of Dairy Development ka sorkar jylla wa ka Martin Luther Christian University da pynman ki ya i pynsñiawthooh paidbah hajrong ka World Milk Day 2022 hapoh kani ka skurbah.
Ha kani ka sngi da wan chimbynta da u Senior Dairy Officer, East Khasi Hills, Shillong, ki sahep wa kiwa kreh ka yung krehkaam u Senior Dairy Officer; Vice Chancellor, Registrar, kamjooh ki khynnah ka MLCU.
U K.M. Lawriniang, Senior Dairy Officer, East Khasi Hills da pynche u hajrong i myntoi i dud wei kammon yarap i ya i doh i pran ki bru. Da pyntip u leh wa ha ka jylla da pyrchang wow pynboon ya i pynmih dud khnang wow yaryngkat wa kiwi ki thaw ka ri.
Ka Kyrmenskhem Diengdoh, Dairy Officer, da batai ko ya ki jait wa tei (Nutrition) wa em ha i dud wei kamjooh da batai ko ya ki mar wa pynmih na i dud kiwa dang duna bha wa pynemkaam ha ka jylla.
Da pynyoo rong leh ya i mar wa chna na i dud wa da pynmih da ka Directorate of Dairy Development.
